முடிவு

துணிவற்று போன நிமிடம்

துயரம் வந்து சூழ்ந்துக் கொண்டிருக்க

நாக்கு வறண்டு

சுவாசப்பை இறுக ஆரம்பித்தது

விடியலை தந்திடுமோ

வாழ்க்கை இருண்டிடுமோ என்று

முடிவுக்காக காத்திருக்கும் அந்நொடி

வயிற்றை பட்டினிப் போட்டு

மூளையை மெருகேற்றினேன்

மதிப்பெண்களுக்கே

மதிப்பு என்றானப்பின்

மன உருவுக்கு ஏது மதிப்பு

ஒற்றை வரி விடாமல் படித்து

தேர்வுத் தாளில் வாந்தி எடுத்ததுப் போக

மீதமானது குழப்பம் மட்டுமே ..